ئێندرێک؛ئێرە من زۆر دڵخۆش دەکات حەز دەکەم لە لیۆن بمێنمەوە

لەدوای بردنەوەکەی دوێنێ شەوی یانەی لیۆن چاوەکان چووونە سەر ئێندرێکی ئەستێرەی لاو،کاتێک لەو یاریەدا ئاستێکی بەرزی پێشکەش کرد و گۆڵێک تۆمار کرد،کە دوای یاریەکە لێدوانێکی بۆ میدیاکاندا و باسی مانەوەی و ڕۆیشتنی کرد لە لیۆن.

ئێندرێک دوای یاریە وتی؛ بەڕاستی حەز دەکەم لێرە بمێنمەوە،لێرە هەموو شتێک دەکرێت بۆ دڵخۆش بوون و ئاسوودەییم،یانەی لیۆن پاڵپشتیەکی تەواوی من دەکات بۆ زیاتر بەرەوپێش چوونم،من بەخواستن لێرەم،بەڵام دەمەوێت بمێنمەوە و هیوادارم یانەکەی ئێستام بتوانێت بۆند لەگەڵ من ئیمزا بکات،دڵنیاشم هەموو شتێک دەکەن بۆ مانەوەم.

شایەنی باسە ئێندرێک دوای کۆمەڵێک ئاڵۆزی و پەرێشانی لەم زستانەدا ڕیزەکانی ڕیاڵ مەدریدی بەخواستن بۆ ماوەی 6 مانگ جێهێشت بۆ لیۆن و لەگەڵ یانە فەڕەنسیەکەش ئاستێکی بەرز پێشکەش دەکات،لیۆن ئێستا هەموو هەوڵێک دەدات بۆ مانەوەی ئەستێرە تەمەن 19ساڵە بەڕازیلیەکە،بەڵام تاکو ئێستا یانە شاهانەییەکە هیچ وەڵامێکی کۆتایی نەداونەتەوە.

“سەرکار ڕێبوار”