پاش زیاتر لە 40 ساڵ لە گەورەبوونی شاری هەولێر و سەرهەڵدانی کێشەی کەمئاوی لە گەڕەکە جیاوازەکانیدا، ئەمساڵ بۆ یەکەمجارە دانیشتوانی شارەکە بەبێ ترسی بێئاوی پێشوازی لە وەرزی هاوین دەکەن.
عەلی ڕەشید، سەرۆکی ئەنجومەنی پارێزگای هەولێر ڕایگەیاند کە بەهۆی فراوانبوونی شارەکە لە چەند دەیەی ڕابردوودا و دووریی لە سەرچاوە سروشتییەکانی ئاو، کێشەی کەمئاوی هەمیشە خەمی گەورەی هاوڵاتییان بووە. بەڵام کابینەی نۆیەمی حکومەتی هەرێمی کوردستان لە ڕێگەی تێڕوانینێکی ستراتیژی و جێبەجێکردنی پڕۆژەی فریاگوزاریی خێرای گەیاندنی ئاو بە شێوەی بازنەیی، لەگەڵ دروستکردنی چەندین بەنداو و پۆند، توانی ئەم کێشە مێژووییە بە تەواوی بنبڕ بکات.
لە کۆتاییدا ئاماژەی بەوەش کرد کە ئێستا ئەرکی هاوڵاتییانە پارێزگاری لەم سەروەتە نیشتمانییە بکەن و ڕێگری لە بەفیڕۆدانی ئاو بگرن.