وتەبێژی بەرگری شارستانی سۆران ڕایگەیاند، پێشمەرگەیەکی تەمەن 40 ساڵ لە کاتی گەشتکردنیدا لە نزیک “گۆمی بێکۆدیان” لە سنووری قەزای چۆمان، تووشی ڕووداوێکی هەڵدێران بووە و لە ئێستادا بە سەختی بریندارە.
بەهۆی سەختی و دژواری جوگرافیای ناوچەکەوە، بەرگری شارستانی سۆران 4 تیمی فریاکەوتنی بۆ بەهاناوەچوونی بریندارەکە ڕەوانە کردووە.
هاوکات وتەبێژی فەرمانگەکە ئاماژەی بەوە کرد کە ئەگەری زۆر هەیە بۆ گەیشتن بە بریندارەکە و گواستنەوەی بۆ نەخۆشخانە، پێویستیان بە بەکارهێنانی فڕۆکەی کۆپتەر بێت.