حەیدەر عەبوودی، وتەبێژی حکومەتی عێراق ڕایگەیاند، بە بڕیاری عەلی زەیدی، سەرۆکوەزیرانی عێراق، کاتی کۆبوونەوەکانی ئەنجومەنی وەزیرانی عێراق بۆ ئێوارانی ڕۆژانی شەممە گۆڕدرا.
ئەوەشی ڕوون کردەوە کە بڕیاری گۆڕینی کاتی کۆبوونەوەی ئەنجومەنی وەزیران، هەنگاوێکە بۆ خێراکردنی پرۆسەی جێبەجێکردنی کارەکان و باشترکردنی هەماهەنگیی نێوان دامودەزگاکان، تاوەکو حکومەت بتوانێت لە سەرەتای هەفتەوە بڕیارە گرنگەکان بخاتە قۆناغی جێبەجێکردنەوە.
جێی وەبیرهێنانەوەیە، پێشتر کۆبوونەوەکانی ئەنجومەنی وەزیرانی عێراق لە ڕۆژانی سێشەممەدا ئەنجام دەدران.