یانەی ڕیاڵ مەدرید بە فەرمی ڕایگەیاند کە ڕائول ئەسینسیۆی بەرگریکاری یانەکە تووشی پێکان بووە لە ماسولکەی ڕیکتۆس فیمۆریسی قاچی ڕاستیدا.
لە چەند ڕۆژی داهاتوودا ناوبراو دەست بە پرۆگرامی چارەسەر دەکات و کاتی گەڕانەوەکەی بەستراوە بە بەرەوپێشچوونی بارودۆخی جەستەییەوە.
لە لایەکی ترەوە، ڕۆژنامەی مارکا خەمڵاندووە کە پێکانەکە پێویستی بە نزیکەی شەش هەفتە پشوو هەیە، بە جۆرێک کە ناوبراو بەشداریی ئامادەکارییەکانی وەرزی نوێ ناکات و لە چەند یارییەکی سەرەتای وەرزیش بێبەش دەبێت.