بەرشەلۆنە ئۆفەرێکی نوێی بۆ نوێکردنەوەی گرێبەستەکەی فیران تۆرێس خستووەتە بەردەم یاریزانەکە، کە ئەم ئۆفەرە لەگەڵ سیستەمی دیاریکراوی مووچەی یانەکەدا گونجاوە و هیچ زیادەیەکی دارایی لەخۆناگرێت.
بەپێی ڕۆژنامەی مۆندۆ دیپۆرتیڤۆی ئیسپانی، سەرەڕای ڕۆڵی کاریگەری یاریزانەکە و بردنەوەی مۆندیال لەگەڵ هەڵبژاردەی ئیسپانیا، یانە کەتەلۆنییەکە چاوەڕێی بڕیاری کۆتایی تۆرێس دەکات لە هەفتەی داهاتوودا.
لە ئەگەری هەڵبژاردنی ئۆفەری پاریس سانجێرمان، بەرشەلۆنە بە کەمتر لە 55 ملیۆن یۆرۆ ڕازی نابێت بە ڕۆشتنی، چونکە جێهێشتنی تۆرێس بۆشاییەکی گەورە لە هێرشبەریدا دروست دەکات و یانەکە ناچار دەبێت یاریزانی نوێ بگوازێتەوە.
جێگەی باسە کە ئەم ئەستێرە ئیسپانییە لەگەڵ بەرشەلۆنە بەشداری لە 207 یارییدا کردووە و لەو ماوەیەدا توانیوێتی 65 گۆڵ تۆمار بکات و 23 ئەسیستیش پێشکەش بە هاوکارەکانی بکات.