دەنگۆکانی ئەم چەند ڕۆژەی مێرکاتۆ گواستنەوەی لاوتارۆ مارتینێزی ئەستێرەی یانەی ئینتەر میلانە بۆ یانەی بارسێلۆنا،کە یانە کەتەلۆنیەکە هەموو هەوڵێکی خۆی خستۆتە گەڕ لەپێناو هێنانی هێرشبەرێکی شارەزای سەرەڕم لەپێناو بەهێزتر کردنی پێکهاتەکەی بۆ وەرزی نوێی ڕکابەرییەکانی ناوخۆ و ئەوروپا.
لەوبارەیەوە سەرۆکی یانەی ئیتەر میلان جۆزێپی مارۆتا بەڕاشکاوانە وتی؛لاوتارۆ مارتینێز کاپتنی تیپەکەمانە و هیچ بیانوویەک نییە وابکات ئێمە بیفرۆشین،دڵنیاتان دەکەمەوە دەمێنێتەوە و گفتوگۆش ناکەین لەسەر هیچ گرێبەستێک بۆ گواستنەوە ئەو.
بارسێلۆنا دوای کشانەوەی لە گرێبەست کردن لەگەڵ خولیان ئەلڤارێز بەهۆی پێداگری یانەی ئەتلەتیکۆ مەدرید پەنای بردە بەر لاوتارۆ،بەڵام ئەم قسانەی مارۆتا تاڕادەیەکی زۆر هیوای بارسێلۆنا دەبڕێت بۆ گرێبەستەکە و دیاریش نییە لەچەند ڕۆژی داهاتوودا بارودۆخەکە دەگاتە کوێ.
“سەرکار ڕێبوار”