ڕۆژنامەی سەنی بەریتانی لە هەواڵێکی نوێیدا ئاشکرای کرد مۆیسیس کایسیدۆی ئەستێرەی یانەی چێڵسی لەکاتی چوونی بۆ ڕاهێنانەکانی یانەکەی ئۆتۆمبێڵەکەی لەلایەن پۆلیسی بەریتانیاوە ڕاگیراوە و لێپرسینەوەی لەگەڵ کراوە،کە دوای لێکۆڵینەوەکان دەرکەوتووە یاریزانەکە هیچ بیمەیەکی نییە و بەبێ هەبوونی مۆڵەتیش شۆفێری دەکات،کە ئەم حاڵەتەش دووچاری سزای کردەوە.
بەپێی زانیارییەکان کایسیدۆ بەئۆتۆمبێڵی جۆری ئاودی شۆفێری کردوە،بەهۆی ئەوەشەوە سزای زیاتر لە هەزار پاوەندی بەریتانی بەسەردا سەپێندراوە و هەشت پۆینتی وەرگرتووە وەکو سزا،ئەمەش نزیکی دەکاتەوە لە قەدەغەی شۆفێری کردنی ئۆتۆمبێڵ،کە جارێکی دیکەش سەرپێچی هەبووە لە ساڵی 2025.
کایسیدۆ ساڵی 2023 لە برایتۆنەوە پەیوندی بە چێڵسیەوە کردوە لەگەڵ یانە لەندەنیەکە ئاستێکی بەرز پێشکەش دەکات و یەکێکە لەیاریزانە کاریگەرەکانی یانەکەی.
“سەرکار ڕێبوار”