ڕۆژنامەی دەیلی مەیلی بەریتانی ئەمڕۆ ئاشکرای کرد بنیامین سیسکۆی هێرشبەری یانەی مانچێستەر یونایتد بەهۆی پێکانەوە ماوەی زیاتر لە مانگێک لەیاریگاکان دادەبڕێت ئەمەش قەیرانەکانی یانەکە دەباتە قۆناغێکی سەخت و دژوارتر لە ئێستادا.
بەپێی زانیارییەکان بێت بنیامین سیسکۆ لەبەشی Shine bone دووچاری پێکان بووە،کە سەرەتا چاوەڕوان نەدەکرا بەو شێوازە سەخت بێت،بەڵام ئێستا ئەوە یەکلایی بۆتەوە تاکو ساڵی 2027 لەیاریگاکان دادەبڕێت،ئەمەش قورسایی زیاتر دەخاتە سەر ئەرکی کارێکی ڕاهێنەر بەهۆی نەبوونی هێرشبەری گونجاو لەم کاتەدا بۆ شوێنی یاریزانەکە.
سیسکۆ ساڵی 2025 لە لایپزیگەوە بە 73 ملیۆن یۆرۆ ڕوویکردە مانچێستەر یونایتد لەو کاتەوە بۆتە هێرشبەرێکی دیاری شەیتانە سوورەکان لە 38 یاریدا خاوەنی 14 گۆڵ ئەسیستێکە،بەهۆی ئەم پێکانەشەوە بۆ یارییەکانی بەرامبەر ئارسێناڵ و لیڤەرپوڵ و چێڵسی بەشداری ناکات ئەمە جگە لەیارییەکانی چامپیۆنزلیگ.
“سەرکار ڕێبوار”