نوریا کۆنێرا، هاوسەری چاڤی هێرناندێزی ئەفسانەی یانەی بەرشەلۆنە، قسەی لەسەر پەیوەندییەکانی بە ڕاهێنەرایەتیکردنی یانەی مانچستەر یونایتد لە وەرزی ئێستادا بڵاوکردەوە.
پێشتر زۆرێک لە هەواڵەکان باسیان لەوە کردبوو کە چاڤی یەکێکە لە دیارترین پاڵێوراوەکان بۆ کارکردن بۆ شەیتانە سوورەکان لەم وەرزەدا، ئەگەر ئیدارەی یانەکە بڕیاری دوورخستنەوەی ئیریک تێن هاگی ڕاهێنەری هۆڵەندی بدات.
کۆنێرا لە هەژماری تایبەتی خۆی لە ئینستاگرام وێنەیەکی چاڤی لەگەڵ کوڕەکەی بڵاوکردەوە کە درێسێکی مانچستەر یونایتدی لەبەردایە.