سبەی یەک شەممە لە کاتژمێر 6:15 ئێوارە لە هەفتەی هەژدەی لالیگای ئیسپانیا یانەی ڕیاڵ مەدریدی پاڵەوانی وەرزی ڕابردوو لەنێو خاک و جەماوەری میوانداری یانەی سێڤییا دەکات و شەڕی سێ خاڵی یاریەکە دەکەن.
ڕیال لەم وەرزەدا ئاستی لەنگەری نەگرتووە،بەڵام دوای بردنەوەی جامی کیشوەرەکانی لەچەند ڕۆژی ڕابردوو یانەکە بە چاوێکی ترەوە سەیر دەکرێت و گۆڵ کردنی مباپێ لەیاریە کۆتاییەکە خاڵێکی وەچەرخانی گرنگ دەبێت بۆ گەڕانەوەی ئاستی ڕاستەقینەی ئەو یاریزانە
ڕیال لەم وەرزەی لالیگا پلەی سێیەمی گرتووە و 37 هەیە پێویستی بە بردنەوەیە تاکو دوا نەکەوێت لە ڕکابەرایەتی خولەکە،سەبارەت بە یانەی سێڤییایە لە پلەی 12ی ڕیزبەندیە و بردنەوە تاکە ڕێگای ئەو تیپەیە بۆ گەڕانەوەی ڕکابەری کردنی بلیتێکی چامپیۆنزلیگی وەرزی داهاتوو.
SB