لە یاریەکانی هەفتەی دەیەمی خولی نایابی کوردستان سێ یاری بەڕێوەدەچن و سەرجەم یاریەکان کاتژمێر 2ی پاش نیوەڕۆ دەست پێدەکەن.
لە نێو یاریگای ڕزگاری یانەی ڕانیە دەبێتە میوانی یانەی ڕزگاری و هەر دوولا تاکە چارەیان بردنەوە بۆ زیاتر هاتنە پێشەوەی ڕیزبەندی خولە،یانەی ڕزگاری خاوەنی 13 خاڵە و لەپلەی 6ی خولەکەیە و هەرچی یانەی ڕانیەیە خاوەنی 9 خاڵە و پلەی 11ی خولەکەی داگیر کردوە.
لەلایەکی ترەوە لەهەولێری پایتەخت یانەی هەندرێن لەنێو جەماوەری خۆیدا پێشوازی لە یانەی شەقڵاوە دەکات،هەندرێن ئەم وەرزە وێرانە بەدەست کەمی خاڵەوە و لەپلەی 14ی پێش کۆتایی ڕیزبەندی خولەکە دێت بە 4 خاڵ و یانەی شەقڵاوەش خاوەنی 9 خاڵە و پلەی 12ی خولەکەی گرتووە.
پیشەسازی و سەید سادقیش شەڕی سێ خاڵی یاریەکی تر دەکەن لە ڕکابەریەکانی خولی نایابی کوردستان،کە پیشەسازی ئەم وەرزە ئاستێکی تایبەتی هەیە و پلەی 4ی خولەکەی لایە بە 14 خاڵ و سەیدسادق بەخراپترین کاتەکانی خۆیدا گوزەر دەکات بەشێوەیەک هیچ بردنەوەکی نییە لەخولەکە و خاوەنی 3 خاڵە لەپلەی کۆتایی ڕیزبەندی دێت.
SB