دەستەی سەرۆکایەتیی ئەنجومەنی نوێنەرانی عێراق، بڕیاری دا دانیشتنی ئیمڕۆی پەرلەمان بگۆڕێت بۆ دانیشتنێکی ڕاوێژکاری بە مەبەستی گفتوگۆکردن و تاوتوێکردنی بابەتەکانی پەیوەست بە نرخی ئاڵوگۆڕی دراو.
جەعفەر زاملی، پەرلەمانتاری فراکسیۆنی بەدر لە ئه‌نجومه‌نی نوێنه‌ران، لە لێدوانێکدا بۆ ئاژانسی هەواڵی عێراقی (واع) ڕایگەیاند کە ژمارەیەکی زۆر لە ئەندامانی پەرلەمان داواکارییەکی فەرمییان پێشکەشی سەرۆکی ئەنجومەنی نوێنەران کردووە تا تەوەرێکی تایبەت بە نرخی ئاڵوگۆڕی دۆلار بخرێتە بەر باس.
ڕوونی کردەوە کە سەرۆکی ئەنجومەنی نوێنەران ڕەزامەندیی دەربڕیوە لەسەر دواخستنی بەرنامەی کاری ئاسایی دانیشتنەکە و گۆڕینی کۆبوونەوەی ئیمڕۆ بۆ دانیشتنێکی ڕاوێژکاری تا بە تێروتەسەلی گفتوگۆ لەسەر دۆسیەی دۆلار و کاریگەرییەکانی بکارێت.