بەگوێرەی ڕۆژنامەی (زە تێلێگراف)ی بەریتانی، سیتی هەوڵدەدات گرێبەستی مارموش بە بڕی 50 ملیۆن ئەنجامبدات، ئەمەش لە چوارچێوەی هەوڵەکانیان بۆ گەیشتن بە لوتکەی خولی نایابی ئینگلیزی دوای زنجیرەیەک ئەنجامی کارەساتبار لە ماوەی دوو مانگی ڕابردوودا.
مارموشی تەمەن 25 ساڵ بە یەکێک لە یاریزانە دیارەکانی خولی ئەڵمانی دادەنرێت، دوای ئەوەی لە سەرەتای وەرزی ڕابردوو بە گواستنەوەی بێبەرامبەر لە یانەی ڤۆڵفسبۆرگەوە پەیوەندی بە فرانکفۆرتەوە کرد، درەوشایەوە.
مارموش لە پلەی دووەمی گۆڵکارانی بۆندسلیگا لەم وەرزەدا لە دوای هاری کەین دێت بە تۆمارکردنی ١٣ گۆڵ، جگە لەوەی ٧ ئەسیستیشی کردووە، بۆیە یانە ئەڵمانییەکە بەرەنگاری بیرۆکەی ڕۆیشتنی دەبێتەوە.