ڕاپۆرتە ڕۆژنامەوانییەکان پشتڕاستیان کردەوە، ڕۆژی سێشەممە، کە خولی سعودیە بەردەوامە لە ئاڕاستەکردنی سەرنجەکانی بۆ ڤینیسیۆس جونیۆری بەڕازیلی، ئەستێرەی ڕیاڵ مەدرید، لە ماوەی وەرزی ئێستادا.
پێشتر ڕاپۆرتەکان باسیان لەوە کردبوو کە ڤینیسیۆس هاوینی ڕابردوو ئۆفەرێکی ئەفسانەیی وەرگرتووە بۆ ئەوەی بچێتە خولی ڕۆشن.
بەگوێرەی ڕۆژنامەی “زە ئەتلەتیک”ی بەریتانی، هێشتا خولی سعودی بە وردی چاودێری ڤینیسیوس دەکات، بەو پێیەی لە سەرەتای مانگی کانوونی دووەمی ڕابردوودا گفتوگۆی تەلەفۆنی نوێ لەگەڵ بریکارەکانی ئەنجامدرا، لەو ماوەیەدا بەردەوامی گرنگیدان بەو ئەستێرەیەی ڕیال مەدرید پشتڕاستکرایەوە.
ئاماژەی بەوەشکردووە، چاوەڕواندەکرێت لە هاوینی داهاتوو هەوڵێک بۆ گواستنەوەی ئەستێرە بەڕازیلییەکە بدرێت، نەک لە گواستنەوەی زستانەی ئێستادا، لەڕێگەی ئەلئەهلی جداوە.