یانەی بەرشەلۆنە یەکەم هەنگاوی جددی خۆی بۆ گواستنەوەی مارکوس ڕاشفۆرد ئەستێرەی یانەی مانچستەر یونایتد لە ماوەی گواستنەوەی هاوینەی ئێستادا ناوە.
بەگوێرەی ڕۆژنامەنووس سانتی ئۆانا، پێشبینی دەکرێت گفتوگۆی ڕاستەوخۆ لەنێوان بەرشەلۆنە و مانچستەر یونایتد لەسەر ئەو یاریزانە ئەنجام بدرێت، کە بەڕوونی ئامادەیی خۆی بۆ پەیوەندیکردن بە یانە کەتەلۆنییەکە دەربڕیوە.
سەرچاوەکان دووپاتیان کردۆتەوە کە ڕاشفۆرد ئامادەیە ئیمتیازاتی دارایی بەرچاو بکات بۆ بەدیهێنانی خواستی خۆی بۆ پۆشینی درێسی بەرشەلۆنە. بەشێوەیەکی مەبدەئی ڕەزامەندی دەربڕیوە لەسەر کەمکردنەوەی مووچەی ساڵانەی کە 18 ملیۆن یۆرۆیە، ئەوەش بۆ کارئاسانی بۆ گرێبەستەکە بۆ ئیدارەی یانە کەتەلۆنییەکە.