دواجار یانەی بەرشەلۆنە پەردەی لەسەر قەیرانی نوێکردنەوەی گرێبەستی ڕۆناڵد ئاراوخۆی بەرگریکاری یانەکەی داخست، ئەمەش دوای مشتومڕ و قسە و باسێکی زۆر لەسەر ڕۆیشتنی لەماوەی زستانی ئێستای مێرکاتۆدا.
گرێبەستی ئێستای ئاراوخۆ لەگەڵ بەرشەلۆنە لە هاوینی 2026 کۆتایی دێت.
بەگوێرەی ڕۆژنامەی “مارکا”ی ئیسپانی، دیکۆ، بەڕێوەبەری وەرزشی یانەی بەرشەلۆنە، لەگەڵ ئاراوخۆ ڕێککەوتووە تاوەکو ساڵی 2030 نوێبکاتەوە.
تەنها ئەوە دەمێنێتەوە گرێبەستەکە واژۆ بکرێت، دواتر لە ماوەی چەند ڕۆژێکدا بە فەرمی ڕاگەیاندنی ئەو گرێبەستە دەکرێت، پێش ئەوەی بازاڕی گواستنەوەی زستانە لە ٣ی شوبات دابخرێت.