محەممەد سەڵاح ئەستێرەی یانەی لیڤەرپوول یانەی پاریس سانجێرمانی بە بەهێزترین تیپی ئەوروپا لە ئێستادا وەسف کرد و ستایشی ئاستی یانەکەی کرد لە دوو یاریی چامپیۆنزلیگ کە تیپەکەی لە پاڵەوانێتییەکە دوورخستەوە.
سەڵاح لە لێدوانێکیدا بۆ گۆڤاری فرانس فوتبۆڵ وتی: پاریس لە یاری گەڕانەوەدا یارییەکی خەیاڵی ئەنجامدا، ئێمەش بەهۆی درەوشاوەیی ئەلیسۆن بەختمان باش بوو، لە یاریی گەڕانەوەشدا ئێمە تیپێکی باشتر بووین، بەڵام بەخت لە لای ئێمە نەبوو.
ئاماژەی بەوەشکردووە، دوای یارییەکە بە یاریزانەکانیانم وتووە: پیرۆزە، بڕۆ نازناوەکە بەدەستبهێنە.
سەڵاح لەم وەرزەدا ئاستێکی نایابی هەیە و لە 49 یاریدا 33 گۆڵی تۆمارکردووە و 23 ئەسیستیشی کردووە، بەڵام لە هەردوو یارییەکەیدا نەیتوانیوە گۆڵ بەرامبەر یانە پاریسییەکە تۆماربکات.