لە دوا یاری قۆناغی سێیەمی پاڵاوتنەکانی مۆندیالدا هەڵبژاردەی ئۆزبەکستان میوانداری هەڵبژاردەی قەتەڕی کرد و توانی یاریەکەی بە سێ گۆڵی بێ وەڵام لە قەتەڕ بباتەوە و بگاتە مۆندیالی ساڵی 2026.
ئەوەی جێگای سەرنج بوو لە یاریەکەی دوێنێدا،حوکومەتی ئۆزبەکستان وەکو پاداشتی یاریزانان بڕیاریدا بۆ هەر یاریزانێک ئۆتۆمبێڵێکی کارەبایی بکاتە خەڵات و لەگەڵ ئەوەشدا مەدالیای پاڵەوانی وەکو ڕەمزێک بەخشیە یاریزانانی هەڵبژاردەکە و پاسپۆرتی دیبلۆماسی خەڵاتێکی تر بوو بۆ یاریزانانی هەڵبژاردەکە.
هەڵبژاردەی ئۆزبەکستان یەکێک بوو لە هەڵبژاردەکانی کۆمەڵەی یەکەمی پاڵاوتنەکانی مۆندیال لە کیشوەری ئاسیا و توانی بە پلەی دووەمی کۆمەڵەکەی لەدوای ئێرانی یەکەمەوە ڕاستەوخۆ خۆی بگەیەنێتە مۆندیالی داهاتوو،کە لە ساڵی 2026 بەڕێوەدەچێت.
“سەرکار ڕێبوار”