ڕۆژنامەنووس ماریۆ کۆرتیگانا ڕایگەیاند، ڕیاڵ مەدرید ڕووبەڕووی ئاستەنگی نوێ دەبێتەوە لە هێڵی ناوەڕاستدا، دوای ئەوەی ئێدواردۆ کاماڤینگا لە کاتی مەشق و ڕاهێنانەکاندا تووشی پێکان بوو لە پاژنەی پێیدا.
پێداگری خابی ئەلۆنسۆی ڕاهێنەر لەسەر بەهێزکردنی هێڵی ناوەڕاست داواکارییەکی لۆژیکییە، بە لەبەرچاوگرتنی کێشەکانی کاماڤینگا کە لەم دواییانەدا تووشی پێکان بووە و ئاستی دانی سیبایۆس، کە نەیانتوانیوە بە تەواوی ستافی ڕاهێنەرایەتی لە تواناکانی ڕازی بکات،جگە لەوەش جود بێلینگهام هێشتا لە نەشتەرگەری شان چاک نەبۆتە و پێشبینی دەکرێت پێویستی بە ماوەیەکی زۆر هەبێت بۆ چاکبوونەوە.
بە لەبەرچاوگرتنی ئەم هەلومەرجانە، و شکستی یانەکە لە گرێبەستکردن لەگەڵ یاریزانێکی نوێی ناوەڕاست، پێشبینی دەکرێت ئەلۆنسۆ پەنا بۆ بەرزکردنەوەی یاریزانێک لە پێکهاتەی کاستیا ببات بۆ پڕکردنەوەی بۆشاییەکە و بەهێزکردنی هێڵی ناوەڕاست پێش دەستپێکردنی وەرزی نوێ.