لە یاریێکی تری هەفتەی 30ی خولی ئیسپانیا، یانەی ریال مەدرید میوانداری ئەتلەتیک بیلباوی کرد.
لە ئەنجامدا یانەی شاهانە توانی یارییەکە بە دوو گۆڵی بێبەرامبەر شکست بە بیلباو بهێنێت.
لە گێمی یەکەمدا و لە خولەکی 8 ریال مەدرید لە ڕێگەی ڕۆدریگو گورزی خۆی وەشاند و گۆڵێکی تۆمارکرد، دوای ئەو گۆڵە هەردوو یانە چەندین هەوڵیاندا بەڵام هیچکامیان سەرکەوتوونەبوون و ئەو تایمە بەو شێوەیە کۆتاییهات.
لە دووەم گێمدا، هەردوو یانە چەندین گۆڕانکاریان ئەنجامدا بۆ گۆڕینی ئەنجامەکە، تاکو لە خولەکی 73 جارێکی تر ڕۆدریگو گۆڵی دووەمی خۆی و یانەکەی تۆمارکرد، و یارییەکەش بەو شێوەیە کۆتاییهات.
بەم سەرکەوتنە، یانەی ریال هەنگاو بە هەنگاو لە نازناوەکە نزیک دەبێتەوە و بە کۆکردنەوەی 75 خاڵ پێشەنگی ڕیزبەندی گرتووە، ئەتلەتیک بيلباویش لە پلەی چوارەمە و 56 خاڵی هەیە.