لە بەیاننامەیەکی فەرمیدا یانەی یۆڤانتۆسی ئیتاڵی ڕایگەیاند ئیگۆر تودۆری ڕاهێنەری تیپەکەیان گرێبەستەکەی هەڵوەشێنراوەتەوە لێرە بەدوا ڕاهێنەرایەتی یانەکەیان ناکات و هاوسات ماسیمۆ برامبیلا وەکو ڕاهێنەری کاتی تیپەکەیان دیاریکراوە،کە بۆ یاری بەرامبەر ئۆدینێزی لە ڕۆژی چوارشەممە سەرپەرشتی تیپەکەیان دەکات.
تودۆری لە مانگی سێی ئەمساڵەوە ڕاهێنەرایەتی یۆڤانتۆس دەکات و لەکۆی 24 یاری وەکو ڕاهێنەر تەنها 10 یاری بردنەوەی بەدەسهێـناوە،کە ئەمە هۆکاری سەرەکی دوورخستنەوەی ئەو ڕاهێنەرەیە،بەڵام هەندێک لە ڕاگەیاندنەکان شتانێکی دیکە دەڵێن و باس لەکێشەی کارگێڕی و بەڕێوەبردنی یانەی یۆڤانتۆس دەکەن سەبارەت بەهۆکاری ئەو حاڵە خراپەی تیپەکە هەیەتی.
دیل پیێڕۆی ئەفسانەی یۆڤانتۆس لەلێدوانێکدا ڕەخنەی توندی لە یاریزانانی یانەکە گرت و وتی؛ خەتاکە ڕاهێنەر نییە،بەڵکو ئاستی یاریزانەکانە تیپەکە پێکهاتەیەکی جێگیری نییە چونکە یاریزانەکان ناتوانن خۆیان بسەلمێنن،ئەمەش بابەتەکە گەورەترە لە ڕاهێنەر و نابێت ڕاهێنەر خەتابار بکرێت.
“سەرکار ڕێبوار”