یانەی ناپۆلی لە وەرزی رابردوو نازناوی خولی ئیتاڵیای بەدەستهێنا بەڵام لەم وەرزەدا تا ئێستا ئەنجامەکانی وەک پێویست نییە بە شێوەیەک لە خولی ئیتاڵیا و چامپیۆنز لیگ تووشی پێنج شکست بووە.
پێگەی کالچیۆ مێرکاتۆی ئیتاڵی بڵاویکردووەتەوە، کۆنتی لە دوای شکستەکەیان بەرامبەر بۆڵۆنیا هەست بە نیگەرانیەکی زۆر لە ئاست و ئەنجامەکانی ئەم وەرزەی یانەکەی دەکات.
ئەو پێگەیە ئاشكرایکردووە، راهێنەرە ئیتاڵیەکە دوای ئەو یارییە زۆر توڕە بووە و بیری لەوە کردووەتەوە کە دەستلەکارکێشانەوەی خۆی پێشکەشی سەرۆکی یانەی ناپۆلی بکات.
ئاماژەی بەوەشداوە کە بڕیارە دی لۆرێنتسی سەرۆکی یانە ئیتاڵیەکە کۆبونەوەیەکی بەپەلە لەگەڵ کۆنتی بکات تا بزانێت کێشەکانی یانەکەی چین و چارەسەریان بۆ بدۆزنەوە ئەگەر بە گواستنەوەی یاریزانی نوێش بێت لە مێرکاتۆی زستانەدا.