لەکاتی بەڕێوەچوونی یاریە دۆستانەکەی دوێنێ شەوی نێوان هەڵبژاردەی ئەنگۆلا و ئەرجەنتین بەبۆنەی یادی پەنجا ساڵەی سەربەخۆیی ئەنگۆلا چەند ڕووداوێکی نەخوازراو ڕوویاندا و یاریەکەی لەخۆشیەکی سەربەخۆیی وڵاتەکەوە گۆڕی بۆ برینداری و شین و گریانی هاندەرێکی زۆری ئەو وڵاتە.
بەپێی سەرچاوەکان بێت هۆکاری بریندار بوونی ئەو هاندەرانە دەگەڕێتەوە بۆ ئەو جەنجاڵیە زۆرەی یاریگاکە تێیدا دروست بوو،کە یاریگاکە خۆی جێگای زیکەی 51 هەزار هاندەر دەگرێت بەڵام ژمارەیەکی زۆر لەوە زیاتر لە هاندەر ئامادەی بوون و لە پێش یاریگاش ڕووداوەکە ڕوویدا و بەشێکی هاندەران کەوتنە ژێر قاچی ئەوانی تر و بەشێکی دیکەشیان بەهۆی جەنجاڵی زۆرەوە بریندار بوون.
بەپێی نوێترین ڕاپۆرتی فریاکەوتنی خێرای ئەو وڵاتە زیاتر لە 80 هاندەر لەژێر چاودێری پزیشکی ماونەتەوە و 37 هاندەریش زامداریەکی کەمیان هەیە بەڵام پێویستیان بە چاودێری هەیە بۆ دڵنیا بوونەوە لە تەندروستیان.
“سەرکار ڕێبوار”