کادینا سێر بڵاویکردەوە کە بەرپرسانی یانەی ئەتلەتیکۆ مەدرید پێداگرن لەسەر گواستنەوەی لیۆن گۆرێتسکای ئەستێرەی یانەی بایرن میونشنی ئەڵمانی بە هەر نرخێک بێت.
رادیۆکە ئاشکرایکردووە، ئامانجی یانە ئیسپانیەکە گواستنەوەی ئەو یاریزانەیە لە مێرکاتۆی زستانەی ئێستادا لەسەر داوای دێگۆ سیمیۆنی راهێنەری ئەرجەنتینی یانەکەیان.
ئاماژەی بەوەشداوە، ماتیۆ ئەلیمانی بەڕێوەبەری وەرزشی ئەتلەتیکۆ مەدرید گەشتی وڵاتی ئەڵمانیای کردووە تا گفتوگۆ لەگەڵ بایرن میونشن و بەڕێوەبەری کارەکانی ئەو یاریزانە بکات.
رونیشیکردووەتەوە، گرێبەستی ئەو یاریزانە لە کۆتایی ئەم وەرزە تەواو دەبێت و بەرپرسانی ئەتلەتیکۆ دەیانەوێت لە ئێستادا بەرامبەر بڕی 15 ملیۆن یۆرۆ بیگوازنەوە بەڵام یانەی بایرن میونشن داوای بڕی 20 ملیۆن یۆرۆ دەکات.