لەدوای ئەوەی یانەی مانچێستەر سیتی توانی بە 4 گۆڵی بێـوەڵام لە یانەی لیڤەرپوڵ بباتەوە و بگاتە قۆناغی پێش کۆتایی جامی یەکێتی ئینگلتەرا،لەو یاریەشدا ئێرلینگ هالاندی ئەستێرەی نەرویجی دوای ماوەیەکی زۆر توانی بێتەوە سەر ڕێچکەی ئاستە سەرسوڕهێنەرەکەی و هاتریک بنووسێتەوە لەبەرامبەر لیڤەرپوڵ.
هالاند دوای یاریەکە لە لێدوانێکدا وتی؛دەمێکی زۆرە من هاتریکم تۆمار نەکردوە،پێویستە بەردەوامی بدەمە هاتریک تۆمار کردن،بەڕاستی شتێکی خەیاڵی و هەستێکی زۆر خۆشە،هیوادارم سێمێنیۆ بەردەوام بێت لەو ئاستەی و ئەو جۆرە تۆپانەی لەو یاریەدا بۆمنی دەنارد بەردەوام بێت لەیاریەکانی دیکە،ئەو یاریزانێکی تازەیە،بەڵام کاتی ئەوەیە لەگەڵمان بەتەواوی بگونجێت.
شایەنی باسە هالاند یەکەمین هاتریکی لەم وەرزە نووسیەوە،کە کۆتا هاتریکی لە 31/8/2024 تۆمار کرد بوو، ژمارەی هاتریکەکانی لەکاروانی وەرزشی خۆی گەیاندە 15 هاتریک،کە 9 دانەی لەگەڵ مانچێستەر سیتیە و 3 دانەی لەگەڵ دۆرتمۆند و 3 دانەکەی دیکەشی لەگەڵ هەڵبژاردەی نەرویج تۆمار کردوە.
“سەرکار ڕێبوار”