یانەی ڕیال مەدرید بڕیاری داوە لە مێرکاتۆی هاوینی داهاتوودا گۆڕانکاری ڕیشەیی و بەرچاو لە پێکهاتەی تیپەکەیدا ئەنجام بدات و ئامانجی سەرەکییان گەڕانەوەیە بۆ سەر سەکۆی نازناوەکان.
تۆڕی فیچاجێسی ئیسپانی بڵاوی کردووەتەوە کە کارگێڕی مێرێنگی بڕیاری کۆتایییان داوە دەستبەرداری ئۆرێل چوامینی یاریزانی هێڵی ناوەڕاستی یانەکەیان ببن و دەرگای گواستنەوەیان بۆ کردووەتەوە.
بەگوێرەی زانیارییەکانی ئەو سەرچاوەیە یانەی شاهانە ئامادەیە گوێ لەو دەستەوارانە بگرێت کە دەگەنە 60 ملیۆن یۆرۆ و هەر یانەیەک ئەو بڕە پارەیە پێشکەش بکات دەتوانێت گفتوگۆ بۆ گواستنەوەی ئەو یاریزانە فەرەنسییە بکات.
هۆکاری سەرەکی ئەم بڕیارە کتوپڕەی ڕیال مەدرید بۆ ڕەفتارەکانی ئەم دواییەی چوامینی دەگەڕێتەوە و بەتایبەتیش دوای دروستبوونی کێشە و گرژی لەگەڵ فیدریکۆ ڤاڵڤێردی هاوڕێی کە وای کردووە بەرپرسانی یانەکە لە ئاستی ڕەزامەند نەبن.
چوامینی لەم وەرزەدا ئامارێکی باشی هەبووە و لە کۆی 47 یاری کە بەدرێسی یانە ئیسپانییەکەوە ئەنجامی داوە توانیویەتی دوو گۆڵ تۆمار بکات و دوو ئەسیستیش بۆ هاوڕێکانی دروست بکات بەڵام وا دیارە ئەمە بەس نەبووە بۆ مانەوەی لە سانتیاگۆ بێرنابیۆ.