پارێزگارێ دهۆکێ د کۆمبوونەکێ دا دگەل سەرۆک و دەستەیا کارگێرییا یانا دهۆک، پشتەڤانییا پارێزگەهێ و حکومەتا هەرێما کوردستانێ بۆ یانێ دووپاتکر و داخواز ژ جەماوەری کر ب گەرمی پشتەڤانییا یانا خۆ بکەن.
ئەڤرۆ ڕۆژا ئێکشەمبی، 21ێ حوزەیرانا 2026ێ، د. عەلی تەتەر، پارێزگارێ دهۆکێ ل دیوانا پارێزگەهێ پێشوازی ل د. عەبدوڵڵا جەلال، سەرۆکێ یانا دهۆک و ستافێ کارگێرییا یانێ کر.
د روونشتنەکێ دا، سەرۆکێ یانێ ب هووری ڕەوش و خواست و پێدڤیێن یانا دهۆک ب شێوەیەکێ گشتی گەهاندنە پارێزگاری. ژ لایێ خۆ ڤە، د. عەلی تەتەر دووپاتی ل پشتەڤانییا بەردەواما حکومەتا هەرێما کوردستانێ و ئیدارا پارێزگەهێ بۆ یانێن وەررزشی کر و ڕاگەهاند: “ئەوا د شیانێن مە دا بیت و د هەموو بواران دا، دێ بۆ یانا دهۆک ئەنجامدەین.”
هەروەسا پارێزگارێ دهۆکێ داخواز ژ جەماوەرێ یانێ کر کو بێ ئۆمێد نەبن و بۆ پشکداریکرنێ د خولێن داهاتی دا، ب گەرمی پشتەڤانییێ ل یانا خۆ بکەن دا کو یانە بشێت ئەنجامێن دلخۆشکەر بدەستڤە بینیت.
ئەڤ پشتهڤانییا پارێزگارێ دهۆکێ د چوارچۆڤێ پلانێن ئیدارا پارێزگەهێ دایە بۆ پەرەپێدانا کەرتێ وەررزشی و پشتگیریکردنا یانێن دەڤەرێ.