جۆن تێرنەس لە یەکەم وتاری سەرەکیی خۆیدا وەک بەڕێوەبەری جێبەجێکاری نوێی ئەپڵ ڕایگەیاند کە ئایفۆن بەردەوام دەبێت لە پێگەی خۆی و سەرکردایەتی جیهانی تەکنەلۆژیا دەکات تێرنەس جەختی لەسەر گەڕانەوە بۆ ستراتیژییەکی کۆنی ستیڤ جۆبس کردەوە کە تێیدا ئایفۆن دەبێتە ناوەندی سەرەکیی تەواوی ئامێر و خزمەتگوزارییەکانی کۆمپانیاکە.
ئەم هەڵوێستە ئاماژەیەکی ڕوونە کە سەرەڕای گەشەکردنی خێرای ژیریی دەستکرد و بوارە تەکنەلۆژییە نوێیەکان ئەپڵ هێشتا ئایفۆن وەک بڕبڕەی پشتی ئابووری و تەکنەلۆژیی خۆی دەبینێت و پلانەکانی داهاتووی لەسەر بنەمای بەهێزکردنی ئەو ئامێرە دادەڕێژێتەوە.