کۆمپانیای مێتا (Meta) کار لەسەر پەرەپێدانی ملوانکەیەکی زیرەک دەکات کە بە ژیریی دەستکرد (AI) کاردەکات و بڕیارە لە ساڵی داهاتوودا تاقیکردنەوەی لەسەر بکات. ئەم پڕۆژەیە بە پشت بەستن بە تەکنەلۆژیای کۆمپانیای Limitless پەرەی پێدراوە کە مێتا لە کۆتایی ساڵی ٢٠٢٥ کڕیبووی. ئەم ئامێرە دەتوانرێت بە قەمیسەوە بدرێت یان وەک ملوانکە بەکاربێت بۆ تۆمارکردنی گفتوگۆکان. جگە لەم ملوانکەیە، مێتا دەیەوێت چاویلکە زیرەکەکانی فراوانتر بکات و خزمەتگوزارییەکی بەشداریکردنی نوێ بە ناوی “Wearables for Work” بۆ کارسازان ڕابگەیەنێت، ئەمەش بە ئامانجی قەرەبووکردنەوەی ئەو زیانە داراییە گەورەیەی (٤ ملیار دۆلار لە چارەکی یەکەمی ئەمساڵدا) کە بەشی Reality Labs ی کۆمپانیاکە لێی کەوتووە.
هەواڵی پێشوو