سەکۆی کۆمەڵایەتی ئێکس (X – تویتەری پێشوو) تایبەتمەندییەکی نوێی بە ناوی (React with Video)(وەڵامدانەوە بە ڤیدیۆ) ڕاگەیاند، کە ڕێگە بە بەکارهێنەران و دروستکەرانی دەدات لەبری نووسینی دەق، بە تۆمارکردنی ڤیدیۆیەکی کورت وەڵامی پۆستەکان بدەنەوە. ئەم هەنگاوە نوێیەی ئێکس کە هاوشێوەی تایبەتمەندی (Video Replies) ی پلاتفۆرمی تیک تۆک و ئینستاگرامە، بە ئامانجی زیاتر ڕاکێشانی سەرنجی بەکارهێنەران و هاندانی دروستکەرانی ناوەڕۆکە بۆ بەرهەمهێنانی ڤیدیۆی زیاتر لەسەر ئەم سەکۆیە، بە شێوەیەک کە لە کاتی بەکارهێنانی ئەم تایبەتمەندییەدا، پۆستە ئەسڵییەکە وەک ستیکەرێک یان بەشێکی بچووک لەسەر ڤیدیۆ نوێیەکە دەردەکەوێت؛ لە ئێستادا ئەم خزمەتگوزارییە لە قۆناغی تاقیکردنەوەدایە بۆ ژمارەیەک بەکارهێنەری دیاریکراو و چاوەڕوان دەکرێت لە داهاتوودا بە فەرمی بۆ تەواوی بەکارهێنەرانی جیهان بەردەست بکرێت.