کۆمپانیای ئەپڵ لە کۆنفرانسی ساڵانەی خۆیدا بۆ پەرەپێدەران (WWDC 2026) ئاڕاستەی داهاتووی تەکنەلۆژیا و بەرهەمەکانی خۆی ئاشکرا دەکات. ئەمساڵ، سەرنجی سەرەکی کۆمپانیاکە بە تەواوی لەسەر پەرەپێدانی سیتەمی Apple Intelligence و تێکەڵکردنی ژیری دەستکردە لەگەڵ ژیانی ڕۆژانەی بەکارهێنەراندا. لە خوارەوە گرنگترین ئەو گۆڕانکارییانە دەخەینە ڕوو کە چاوەڕوان دەکرێن:
١. سێری (Siri) دەبێتە خاوەن مێشکێکی نوێ
یەکێک لە گەورەترین نوێکارییەکان، گۆڕینی تەواوەتی یاریدەدەری دەنگی (سێری) یە. بەپێی ڕاپۆرتەکان، ئەپڵ هاوکاری لەگەڵ سیتەمی (Gemini) کۆمپانیای گوگل کردووە بۆ ئەوەی سێری بتوانێت بە شێوازێکی سروشتیتر گفتوگۆ بکات، لە ناوەڕۆکی قسەکان تێبگات و کارە ئاڵۆزەکان جێبەجێ بکات. تەنانەت چاوەڕوان دەکرێت ئەپێکی سەربەخۆ بۆ سێری دابنرێت کە ڕکابەری (ChatGPT) بکات.
٢. بریکارەکانی ژیری دەستکرد (AI Agents)
ئەپڵ چەمکێکی نوێ دەهێنێتە ناو کارپێکردنی مۆبایلەوە، ئەویش “بریکاری زیرەک”ە. ئەم تایبەتمەندییە ڕێگەت پێدەدات کارە ڕۆژانەییەکانت بسپێریت بە مۆبایلەکەت
٣. کامێرای زیرەک و گۆڕانکاری لە وێنەکاندا
Visual Intelligence: بەشێکی نوێ بۆ کامێرا زیاد دەکرێت کە تەنها بە ڕووکردنی کامێراکەت لە هەر شتێک (شوێن، کاڵا، یان نووسین)، لە ڕێگەی گەڕانی گوگلەوە زانیاری تەواوت پێدەدات.
دەستکاریکردنی وێنە بە قسەکردن: لەمەودوا لە ناو ئەپی Photos، تەنها بە نووسین یان قسەکردن دەتوانیت بڵێیت (ئەم تەنە لە وێنەکە لابدە) یان (ڕەنگی پاشبنەمایەکە بگۆڕە) و سیتەمەکە خۆی کارەکەت بۆ دەکات.
٤. ئاسانکاری دارایی لە Apple Wallet
ئەپی Wallet چەندین تایبەتمەندی بەسوودی بۆ زیاد کراوە:
دابەشکردنی پسوولە (Bill Split): تەنها بە گرتنی وێنەی پسوولەی چێشتخانەیەک یان بازاڕکردنێک، ئەپەکە پارەکە لە نێوان تۆ و هاوڕێکانتدا دابەش دەکات و داواکاری پارەیان بۆ دەنێرێت.
دیجیتاڵکردنی کارتەکان: دەتوانیت هەر کارتێکی فیزیکی وەک کارتی هۆڵی وەرزشی یان بلیتی سینەما سکان بکەیت و ڕاستەوخۆ بیگۆڕیت بۆ کارتێکی دیجیتاڵی لەناو مۆبایلەکەتدا.
کۆتایی
ئەم نوێکاریانە تەنها بۆ ئایفۆن نین، بەڵکو گشتگیر دەبن و کۆمپیوتەرەکانی ماک (macOS)، ئایپاد (iPadOS)، و تەنانەت چاویلکەی زیرەکی (visionOS) دەگرنەوە. ئەپڵ دەیەوێت بیسەلمێنێت کە لە پێشبڕکێی ژیری دەستکرددا نەک تەنها دوا نەکەوتووە، بەڵکو دەیەوێت بە شێوازێکی پارێزراو و تایبەت، ژیری دەستکرد بکاتە بەشێک لە ژیانی هەمووان.