وەزارەتی رۆشنبیری و لاوان لەڕێگەی بەڕێوەبەرایەتی گشتیی رۆشنبیری و هونەری سریانی پرسە و سەرەخۆشى خۆى بۆ کۆچى دوایى زانا و مێژوونووس بنیامین حەداد رادەگەیەنێت، کە بەرەبەیانی رۆژی دووشەممە 17ی حوزەیرانی 2024 بەهۆی نەخۆشی لە نەخۆشخانەیەکی پارێزگای دهۆک، کۆچی دوایی کرد.
بەنوێنەرایەتی وەزارەتی رۆشنبیری و لاوان، بەڕێوەبەری گشتی و فەرمانبەرانی، سەرەخۆشی و هاوخەمی دڵسۆزانەی خۆی ئاراستەی خانەوادە و هەوادارانى ئەدەبی سریانی دەکات بۆ لەدەستدانی زانا و نووسەر و شاعیر و مێژوونووس بنيامين حەداد.
بنیامین میخا یوسف حەداد، لە ساڵی 1931 لە ئەلقوش لەدایک بووە، لە بواری زمانی بەراوردکاریدا کاری کردووە، حەزی لە مێژوو و کولتوور و فۆلکلۆر بووە و لە بوارى ئەدەبییدا بە هەردوو زمانی سریانی و عەرەبی نووسیویەتی.
زیاتر لە بیست کتێب و نامیلکە و بڵاوکراوەی هەیە لە بوارەکانی: کولتوور، کاروباری نێودەوڵەتی، شیعر، وەرگێڕان و لێکۆڵینەوەدا.
![](https://i0.wp.com/www.zagrosn.com/wp-content/uploads/2024/07/Bnyamin.jpg?fit=632%2C603&ssl=1)
هەواڵی پێشوو
هەواڵی داهاتوو