لە دیوانی وەزارەت خەڵاتی رێزلێنانی حەمەی حەمەسەعید، وەزیری رۆشنبیری و لاوانی حكومەتی هەرێمی كوردستان، لەلایەن چنوور نامق راوێژکاری وەزارەت پێشكەش بە لۆلان مستەفا، خاوەن و بەڕێوەبەری مۆزەخانەی ڕستن و چنینی كوردەواری لە قەڵای هەولێر كرا.
لە رێوڕەسمەکەدا دەلیل جەمال، بەڕێوەبەری نوسینگەی تایبەتی وەزیر و نامق هەورامی، بەڕێوەبەری راگەیاندن و پەیوەندییەكان و وتەبێژی وەزارەت و ژمارەیەک لە کەسایەتی رۆشنبیر، ئامادەبوون، لە پای ئەو خزمەتەی كردوویەتی لە بواری پاراستنی كولتووری كوردی خەڵاتی رێزلێنان پێشكەش بە مستەفا لۆلان كرا.
لەوتەیەکدا بەڕێوەبەری نووسینگەی تایبەتی وەزیر، سڵاو و رێزی وەزیری رۆشنبیری و لاوانی گەیاندە لۆلان مستەفا و سوپاسی هەوڵە بەردەوامەکانی کرد بۆ پاراستنی کولتووری کوردی بەگشتی و فەرشی کوردی بەتایبەت کە لێکۆڵینەوەی زانستی لەبارەوە کردووە.
لەو چوارچێوەیەدا، لۆلان مستەفا لە وتەیەكدا سوپاسی وەزارەتی رۆشنبیری و لاوانی کرد و گوتی: خۆشحاڵم وەزارەتی رۆشنبیری من بەسەردەکاتەوە، ئەمە مانای وایە ماندوبوونی چەند ساڵەی من لەبەرچاو گیراوە.
