یەکێک لە دادگەکانی لۆس ئەنجلسی ئەمریکا، کۆمپانیای دیزنی بە بڕی 36 هەزار دۆلاری ئەمریکی سازادا.
سزادانی ئەو کۆمپانیایە بەهۆی مردنی یەکێک لە ئەندامانی کاری فیلمی “Wonder Man” بوو کە ئێستا لە ستۆدیۆکانی مارڤڵ تۆمار دەکرێت.
خوان کارلۆس ئۆسۆریۆ لە مانگی شوباتی ئەمساڵ، لە کاتی وێنەگرتنی فیلمەکە، لە کاتی کۆکردنەوەی کێبڵی رووناکی لە نێو ستۆدی گیانی لەدەستدا.
لەلایەکی دیکەوە، کۆمپانیای دیزنی ترەیلەری نوێترین بەرهەمی بەناوی “Mufasa: The Lion King” بڵاوکردەوە کە بڕیارە لە 20ـی کانوونی یەکەمی ئەمساڵ لە سینەماکانی جیهاندا پێشانبدرێت.
