وه‌زاره‌تی شاره‌وانی و گه‌شتوگوزار، له‌سه‌ر ڕێژه‌ی 100%ی داهاتی شاره‌وانی و 17%ی داهاتی ئاو، له سنووری سه‌رۆكایه‌تیی شاره‌وانیی دهۆك و به‌ڕێوه‌به‌رایه‌تیی ئاوی دهۆك، ڕه‌زامه‌ندی نیشاندا له‌سه‌ر خه‌رجكردنی حه‌وت گوژمه بۆ جێبه‌جێكردنی چه‌ند پرۆژه‌یه‌كی جۆراوجۆری خزمه‌تگوزاریی ڕاكێشانی هێڵی ئاو و دابینكردنی ئاو به تانكه‌ر بۆ گونده‌كان و دانانی بۆریی ئاو و دروستكردن و قیرتاوكردنی شه‌قام له شاری دهۆك و ده‌وروبه‌ری.
پرۆژه‌كان:
1- گوژمه‌ی 21،043،000 دینار، بۆ جێبه‌جێكردنی پرۆژه‌ی ڕاكێشانی هێڵی ئاو له گه‌ڕه‌كه‌كانی ئێتیتای نوێ، نزاركێی كۆن له دهۆك.
2- گوژمه‌ی 45،600،000 دینار، بۆ جێبه‌جێكردنی پرۆژه‌ی دابینكردنی ئاوی خواردنه‌وه به تانكه‌ر بۆ گونده‌كانی ئێمینكی و زرهه‌وا و زێوا شفیق و بادێ له دهۆك.
3- گوژمه‌ی 10،090،000 دینار، بۆ پرۆژه‌ی چاره‌سه‌ركردنی كێشه‌ی بۆریی ئاو له گوندی باجلور-دهۆك.
4- گوژمه‌ی 28،000،000 دینار، بۆ پرۆژه‌ی دابینكردنی گازوایل بۆ مۆلیده و ئامێره‌كانی به‌ڕێوه‌به‌رایه‌تیی ئاوی دهۆك، به‌مه‌به‌ستی ڕاییكردنی كاره‌كانیان و به‌رهه‌مهێنانی ئاوی خواردنه‌وه بۆ هاووڵاتییان.
5- گوژمه‌ی 49،705،000 دینار، بۆ پرۆژه‌ی دابینكردن و دانانی بۆریی ئاو بۆ پرۆژه‌ی ئاوی گوندی ئێمینكێ له ناوچه‌ی زاوێته.
6- گوژمه‌ی 41،537،000 دینار، بۆ پرۆژه‌ی نۆژه‌نكردنه‌وه‌ی شۆسته له نزیك بنكه‌ی لالش له كه‌رتی 82ی ڕۆژئاوای دهۆك.
7- گوژمه‌ی 62،745،000 دینار، بۆ پرۆژه‌ی دروستكردن و قیرتاوكردنی شه‌قامی خزمه‌تگوزاری له گه‌ڕه‌كی شندوخا.