فیلمی میسری “السادة الأفاضل” بەردەوامە لە پێشەنگیکردنی داهاتی رۆژانەی سینەماکانی میسر و تەنیا لە رۆژی هەینیدا توانیویەتی 3 ملیۆن و 125 هەزار جونەی کۆبکاتەوە.
چیرۆکی فیلمەکە لە گوندێکی میسردا روودەدات و باس لە خێزانی “ئەبو فەزڵ” دەکات کە بە مردنی باوکیان، جەلال، تووشی شۆک دەبن. دواتر هەردوو کوڕەکەی، تاریق و حیجازی، بۆیان دەردەکەوێت کە باوکیان ئەو پیاوە سادەیە نەبووە کە دەیانناسی، بەڵکو تێوەگلاوە لە بازرگانیکردنی شوێنەوار و خاوەنی تۆڕێکی ئاڵۆزی نهێنی و قەرز بووە.
فیلمەکە لەنواندنی کۆمەڵێک ئەستێرەی دیاری میسرە، لەوانە محەمەد مەمدوح، بەیومی فوئاد، تەها دەسوقی، ئەشرەف عەبدولباقی و ئینتیسار، و لە دەرهێنانی کەریم شیناوییە.