داهاتی فیلمی سینەمایی “Regretting You” لە بۆکس ئۆفیسی جیهانیدا گەیشتە 70 ملیۆن و 525 هەزار دۆلار، ئەمەش لەدوای نمایشکردنی لە ٢٤ی ئۆکتۆبەرەوە.
داهاتی فیلمەکە دابەش بووە بەسەر 38 ملیۆن و 125 هەزار دۆلار لە بۆکس ئۆفیسی ئەمریکادا و 32 ملیۆن و 400 هەزار دۆلاریش لە بۆکس ئۆفیسی جیهانیدا.
چیرۆکی فیلمەکە باس لە پەیوەندیی ئاڵۆزی نێوان مۆرگان گرانت (ئەلیسۆن ویلیامز) و کچە هەرزەکارەکەی کلارا (ماکینا گرەیس) دەکات. پەیوەندییەکەیان دوای ڕووداوێکی دڵتەزێن کە ژیانیان دەگۆڕێت، ئاڵۆزتر دەبێت. لە کاتێکدا مۆرگان هەوڵدەدات کۆنترۆڵی خێزانەکە بکات، نهێنییەکانی ڕابردوو دەست دەکەن بە ئاشکرابوون و دایک و کچەکە ڕووبەڕووی تاقیکردنەوەی سەختی وەک لێبووردن، پەشیمانی و گەڕان بەدوای خوددا دەکاتەوە.
فیلمەکە لە دەرھێنانی جۆش بوونە، کە پێشتر فیلمی “The Fault in Our Stars”ی دەرھێناوە و سیناریۆکەی لەلایەن سوزان مەکمارینەوە نووسراوە. چیرۆکەکە لە کتێبێکی کۆلین هوڤەرەوە وەرگیراوە. لە فیلمەکەدا دەیڤ فرانکۆ، سکۆت ئیستوود و ویلا فیتزجیرالد ڕۆڵی دیکە دەگێڕن.