تەلەڤزیۆنی فەرمیی چین ڕایگەیاند، تیمەکانی ڕزگارکردن لە دەریای باشووری چین لە گەڕان بەردەوامن بۆ دۆزینەوەی ٢٣ کەس دوای نوقومبوونی کەشتییەکی بارهەڵگری ڤێتنامی بە ناوی “خۆی نگووین ١٨”. لە کۆی ٦٢ سەرنشینی کەشتییەکە، تا ئێستا توانراوە ٣٩ کەس لە ئاوەکە دەربکرێنەوە و ڕزگار بکرێن.
کەشتییەکە لە نزیک ڕەفەی کەناراوەکانی “فایەری کرۆس” تووشی ئاریشە بووە و بۆ یەکەمجار ئاماژەی فریاگوزاری لەلایەن کەشتییەکی ڕزگارکردنی چینییەوە بە ناوی “نانهای جیو ١١٥” بینراوە، و لە ئێستاشدا شەش کەشتیی چینی، کۆپتەرێک و کەشتییەکی ڤێتنامی بەشداری لە هەڵمەتی گەڕاندا دەکەن.
ناوچەی ڕووداوەکە بەشێکە لە دوورگەکانی “سپراتلی” (کە چین پێیان دەڵێت دوورگەکانی “نانشا”)، ناوچەیەکی دەوڵەمەندە بە سەرچاوەی سروشتی و کێشەی سەروەریی لەسەرە لە نێوان چین و وڵاتانی ڤێتنام، فیلیپین، تایوان، مالیزیا و برونای.