ئەمڕۆ چوارشەممە، 5ـی ئابی 2026، بازاڕەکانی کانزا گرانبەهاکان لەسەر ئاستی جیهانی ڕووبەڕووی شەپۆلێکی بەهێزی بەرزبوونەوە بوونەوە و نرخەکان بە شێوەیەکی بەرچاو ڕوویان لە هەڵکشان کردەوە.
لە بازاڕە جیهانییەکاندا، نرخی یەک ئۆنسە زێڕ بازدانێکی بەرچاوی تۆمارکرد و گەیشتە 4,136.87 دۆلار، یەک کیلۆگرام بەرزبووەوە بۆ 133,003.46 دۆلار و یەک گرامیش بە 133 دۆلار مامەڵەی پێوە دەکرێت.
هاوکات لە بازاڕەکانی ناوخۆشدا و بەپێی نوێترین نرخەکانی سەندیکای زێڕنگران، بەهای عەیارەکان لە ئاستێکی بەرزی جێگیدا وەستاون؛ عەیارەی 22 بە 941,471 دینار، عەیارەی 21 بە 898,677 دینار و عەیارەی 18ـیش لەسەر 770,294 دینار جێگیر بوو.
لەلایەکی دیکەوە، بازاڕی زیویش هاوشانی زێڕ بەرزبوونەوەیەکی بەرچاوی بەخۆوە بینی و هێڵی 60 دۆلاری بەزاند، بە جۆرێک لە ئێستادا نرخی هەر ئۆنسەیەک زیو گەیشتووەتە 60.73 دۆلار، هەر کیلۆگرامێک بە 1,952.45 دۆلار مامەڵەی پێوە دەکرێت و نرخی هەر گرامێکیش لەسەر 1.95 دۆلار جێگیر بووە.
شروڤەکارانی دارایی ئاماژە بەوە دەکەن، ئەم هەڵکشانە بەهێزەی نرخە جیهانییەکان پەیوەستە بە لاوازبوونی بەهای دۆلار و زیادبوونی خواستی وەبەرهێنەران بۆ کڕینی کانزا گرانبەهاکان، لە کاتێکدا بە وریاییەوە چاودێری سیاسەتە نەختییەکانی بانکی ناوەندیی ئەمریکا فیدراڵ ڕیزێرف دەکەن.