محەممەدعەلی حووسی، یەکێک لە ئەندامانی نووسینگەی سیاسیی حووسییەکانی یەمەن، لە کاردانەوە بە بڕیاری پەرلەمانی میسر بۆ پشتگیریی سەربازیی سعوودیە، ڕای گەیاند قاهیرە بەم هەنگاوە کردەوەییانە دژی یەمەن ڕاگەیاندنی جەنگی کردووە.
ئەو لە پەیامێکدا لە تۆڕی کۆمەڵایەتیی تێلێگرام نووسیی: “میسر و پەرلەمانی ئەو وڵاتە پشتگیریی خۆیان لەوەی کە بە بەرگری لە شانشینی سعوودیە ناوی دەبرێت، ڕاگەیاند و بەم هەنگاوە، دژی کۆماری یەمەن ڕاگەیاندنی جەنگیان کرد.”
لێدوانەکانی ئەم بەرپرسە حووسییە دوای ئەوە هات کە پەرلەمانی میسر ڕەزامەندیی دەربڕی لەگەڵ پێشکەشکردنی پشتگیریی سەربازی بە سعوودیە بۆ بەرەنگاربوونەوەی هێرشەکانی حووسییەکان.
حووسییەکان، کە پشتگیریی کۆماری ئیسلامییان هەیە، لە هەفتەکانی ڕابردوودا هێرشە مووشەکی و فڕۆکەی بێفڕۆکەوانەکانیان دژی سعوودیە زیادی کردووە.
هەڵوێستی محەممەدعەلی حووسی نیشانەی ناڕەزایەتیی ئەم گرووپەیە بەرانبەر بە ئەگەری چوونی میسر بۆ نێو ململانێ سەربازییەکان بۆ پشتگیریی ڕیاز.