حکوومەتی نیوزلەندا 28 کەس و چاردە دامەزراوەی ئێرانی بە هۆی پشتیوانیکردن لە هێرشی ڕووسیا بۆ سەر ئوکراینا و ڕۆڵگێران لە گواستنەوەی چەک و تەقەمەنی لە کۆریای باکوورەوە بۆ ڕووسیا خستە ژێر سزا.
وەزیری دەرەوەی نیوزلەندا ڕایگەیاند وڵاتەکەی هەموو ئەو کەس و دامەزراوانە شەرمەزار دەکات کە لەم پشتیوانییە سەربازییەدا بەشدارن.
پێشتریش وڵاتانی یەکێتیی ئەورووپا، بریتانیا، کانادا و ئەمریکا بە هۆی پشتیوانیی ئێران لە ڕووسیا کۆمەڵێک گەمارۆیان خستبووە سەر ئەم وڵاتە.