بەرەبەیانی ئەمڕۆ شەممە ئەنجامی بەرایی ژماردنەوەی دەنگەکان لە هەڵبژاردنی پێشوەختەی سەرۆکایەتی کۆماری ئێران دەستی پێکرد و کاندید مەسعود پزیشکیان پێشەنگی لیستەکەی گرتووە.
وەزارەتی ناوخۆی ئێران ڕایگەیاند، دوای ژماردنەوەی زیاتر لە 19 ملیۆن دەنگ، هێشتا مەسعود پزیشکیان بە زیاتر لە 8 ملیۆن دەنگ لە پێشەنگدایە، لە دوای ئەویش سەعید جەلیلی بە زیاتر لە 7 ملیۆن دەنگ، محەمەد باقر قالیباف بە زیاتر لە 2 ملیۆن دەنگ، لە پلەی سێیەمدایە. و مستەفا پورمحەمەدی بە زیاتر لە 150 هەزار دەنگ پلەی چوارەمی گرتووە.
وەزارەتی ناوخۆی ئێران ئەنجامی نوێی دەنگە هەژمارکراوەکانی بەم شێوەیەی خوارەوە بڵاوکردەوە؛
کۆی گشتی دەنگە دروست و نادروستەکان 19 ملیۆن و 62 هەزار و 13 دەنگە.
مەسعوود پزیشکیان: 8,302,577 دەنگ
سەعید جەلیلی: 7,189,756 دەنگ
محمد باقر قالیباف: دوو ملیۆن و 676 هەزار و 512 دەنگ
مستەفا پورمحەمەدی: 158 هەزار و 314 دەنگ
وەزارەتی ناوخۆی ئێران دەڵێت، پزیشکیان بە 8 ملیۆن دەنگ پێشەنگی گرتووە لە بەرامبەر 7 ملیۆن بۆ جەلیلی دوای ژماردنەوەی 19 ملیۆن دەنگ
ئاژانسی هەواڵی تەسنیمی ئێران پێشنیاری ئەنجامدانی خولی دووەمی هەڵبژاردنەکانی کردووە، وەک ئەوەی هیچ کاندیدێک زیاتر لە 50% دەنگەکانی بەدەست نەهێناوە، کە لە 5ی تەمموزدا هەڵبژاردنی دووەم لەنێوان ئەو کاندیدانەی زۆرترین ئەنجامیان هەیە بەڕێوەدەچێت.
دوێنێ هەینی، کۆمیسیۆنی هەڵبژاردنەکانی ئێران سێ جار لەسەریەک ماوەی دەنگدانی تا نیوەشەو درێژکردەوە.
ئا:ج
