عەلی یەرلیکایا، وەزیری نێوخۆی تورکیا لە تۆڕی کۆمەڵایەتیی ئێکس بڵاوی کردەوە، لە 81 پارێزگای تورکیا هەڵمەتی فراوان لەبارەی ئەو هەڵاتووانە بەرێوەچوو کە هەموویان تۆمەتی جیاوازیان لەسەرە و ژمارەکەیان چوار هەزار و 491 کەسن.
بەگوێرەی ڕاگەیەندراوی وەزیری نێوخۆی تورکیا، لەنێویاندا چوار هەزار و 455 دەستگیرکراو 5 ساڵە هەڵاتوون و بڕیاری دەستبەسەرکردنیان هەیە، هاوکات 19ـیان 5 بۆ 10 ساڵ و 10 دەستگیرکراویش زیاتر لە 10 ساڵە پۆلیس بەدوایانەوەیە.
دەستگیرکراوان تۆمەتەکانی وەک دزیکردن، ساختەکاریی، تاڵان، کوشتن و دەستدرێژیی سیکسییان لەسەرە.
