لە ئیزمیر و سێ پارێزگای دیکەی تورکیا 19 کەس بەتۆمەتی بانگەشەکردن بۆ پەکەکە دەستگیر کران.
ئاژانسی فەرمیی تورکیا بڵاوی کردەوە، سەرۆکایەتیی داواکاری گشتیی ئیزمیر پەراوی لێکۆڵینەوەی یاسایی لەبارەی ژمارەیەک تاوانباری بانگەشەکردن بۆ پەکەکە ڕێکخستووە.
لەم چوارچێوەیەدا لە ئیزمیر و پارێزگاکانی کۆجائێلی، ئانتاڵیا وکۆنیا هەڵمەتێک بەڕێوەچوو و 19 گومانلێکراو بە تۆمەتی ئەندامبوون لە پەکەکە و یەپەگە لەگەڵ بانگەشەکردنیان لە تۆڕی کۆمەڵایەتی، دەستگیر کران.
