zagros news agency

باڵێوزی سووریا لە مۆسکۆ: ئەردۆغان و ئەسەد بەم زوانە چاویان به یەکتر ناکەوێت

باڵیۆزی سووریا لە مۆسکۆ دەڵێت، تا تورکیا داواکارییەکانی سووریا جێبەجێ نەکات، دانوستانی نێوان ئەسەد و ئەردۆغان ئەنجام نادرێت.
بەشار جەعفەری باڵیۆزی سووریا لە مۆسکۆ بە ئاژانسی تاس-ی ڕوسیای ڕاگەیاندووە، هیچ زانیارییەکی پشتڕاستکراوە لەبارەی کۆبوونەوەی تورکیا و سووریا لە کازان لە کۆتایی ئەم مانگەدا نییە.
ئاماژەی بەوەشکرد، کۆبوونەوەی نێوان ئەردۆغان و ئەسەد ئەنجام نادرێت تا ئەو کاتەی تورکیا داواکارییەکانی سوریا بەدی نەهێنێت، لەوانە کشانەوەی هێزەکانی لە سوریا و وەستاندنی پشتیوانی لە ئۆپۆزسیۆنی سووریا.
جەعفەری ئەوەشی خستەڕوو، گفتوگۆکان لەگەڵ تورکیا نابێت یەکلایەنە بن و بۆ ئەوەی بگەنە ئەنجامەکە، پێویستە نیازێکی باش لە هەردوولا هەبێت.

هەواڵی پەیوەندیدار

مادۆرۆ و هاوسەرەکەی برانە دادگای ئەمریکا

یاسین

دوو ئافرەتی فەرەنسایی لە تورکیا بە دە ساڵ زیندان حوکم دران

یاسین

تورکیا لە سوریا دژی لامەرکەزییە

یاسین