ڕوانگەی سووریا بۆ مافەکانی مرۆڤ بڵاویکردەوە، ئەمڕۆ فڕۆکە جەنگییەکانی ئیسرائیل 3 مووشەکیان لە کارگەیەکی ئۆتۆمبێلی ئێرانی لە شاری حەسییە لە باشووری حومس داوە.
بەگوێرەی سەرچاوەکان، کارگەکە لە کاتی ئەم هێرشەدا چۆڵ بووە و تەنیا زیانی ماددیی لێکەوتووەتەوە.
لە سەرەتای ئەمساڵەوە ئیسرائیل 101 جار هێرشی کردووەتە سەر سووریا و 186 شوێنی وێران کردووە و لە ئەنجامدا 252 چەکدار و سەرباز گیانیان لەدەست داوە.
