ئێران هۆشداریی بە وڵاتانی کەنداو داوە، قبووڵی ناکات ئەم وڵاتانە ڕێگە بدەن ئاسمانی وڵاتەکانیان دژی ئێران بەکار بهێنرێت.
ئاژانسی هەواڵی ڕۆیتەرز لە زمان بەرپرسێکی باڵای ئێرانەوە بڵاوی کردەوە، هەر هەنگاوێکی وڵاتانی کەنداو دژی ئێران کاردانەوەی توندی ئەم وڵاتەی بەدوادا دێت.
ئەم بەرپرسە ئێرانییە بە ڕۆیتەرزی گوتووە، ئەگەر وڵاتانی کەنداو ڕێگە بدەن ئاسمانەکەیان، یان بنکە سەربازییەکانیان بۆ هێرش دژی ئێران بەکار بهێنرێت، تاران بە هەنگاوێک لەلایەن هەمووانەوە لێی دەڕوانێت و هەر بەوپێیەش وەڵام دەداتەوە.
پێشتر ئاژانسی هەواڵی تەسنیمی ئێران لە زمان چەند سەرچاوەیەکی سەربازییەوە ئاشکرای کرد، بەشێک لە وڵاتانی ناوچەکە ئێرانیان ئاگادار کردووەتەوە، لەدژی ئێران هاوکاریی ئیسرایل ناکەن.
