ڕێکخراوی داکۆکی لە ئازادیی ڕۆژنامەگەری راگەیاند، لەنێو ریزبەندی 180 وڵات لە ئازادیی میدیایی لە جیهاندا، ئێران لە پلەی 177ەمیندایە، بە شێوەیەك، تەنیا لە ماوەی مانگی شوباتی رابردوودا، 35 رۆژنامەنووس دەستگیر كراون.
لە نوێترین ڕاپۆرتی ڕێکخراوی داکۆکی لە ئازادیی ڕۆژنامەگەری، سەبارەت بە سەرکوتكردنی ڕۆژنامەنووسان لە ئێران، ڕایگەیاندووە، کە دەزگا ئەمنییەکان لە تاران تەنیا لە ماوەی مانگی رابردوودا 35 ڕۆژنامەنووس و بەڕێوەبەری ڕاگەیاندنیان دەستبەسەر کردووە.
هەروەها لە هەمان کاتدا، دەزگای مافی مرۆڤی (هەنگاو)، لە ڕاپۆرتی مانگانەی خۆیدا ڕایگەیاندووە، کە هێزە ئەمنییەکان لە ماوەی مانگی شوباتی ساڵی 2024دا، لانی کەم 111 هاووڵاتیی ئێرانییان بە تۆمەتی جۆراوجۆر دەستبەسەر کردووە.