لەدوای یەکێتیی ئەورووپا، بەریتانیا گەمارۆی خستە سەر کۆمپانیا کەشتیوانیی ئێران و کۆمپانیای فڕۆکەوانیی ئیرانئایر.
ڕۆژی دووشەممە ١٨ی نۆڤەمبەر حکومەتی بەریتانیا سزای بەسەر ئێران ئایر و کۆمپانیای کەشتیوانی کۆماری ئیسلامی ئێراندا سەپاند.
ئەم ڕێوشوێنانە لە کاردانەوە بە گواستنەوەی مووشەکی بالیستیک لە ئێرانەوە بۆ ڕووسیا گیراونەتەبەر.
بەرپرسانی بەریتانیا دەڵێن، کۆمپانیای فڕۆکەوانیی حکومەتیی ئیران ئایر و هڵی کەشتیوانیی کۆماری ئیسلامیی ئێران ڕۆڵیان لە دابینکردنی مووشەک و چەکوچۆڵی دیکە بۆ ڕووسیا لە جەنگی ئۆکرانیادا هەبووە.
دەیڤید لێمی وەزیری دەرەوەی بەریتانیا وتی: هەوڵەکانی ئێران بۆ تێکدانی ئاسایشی جیهانی مەترسیدارە و جێگای قبوڵکردن نییە. “جارێکی دیکە داوا لە ئێران دەکەین واز لە پشتیوانیکردنی شەڕی نایاسایی ڕووسیا لە ئۆکرانیا بهێنێت”.
